Mahsulotning ko'rinishi saytdagi rasmdan farq qilishi mumkin.

KOVIDAFAVIR tabletkalari 200 mg N40

Name: YUVIRA-400 suspenziya 10 ml 400 ml/10 ml N50
Brand: Jurabek Laboratories, СП ООО
SKU: 153042
Availability: InStock
Rating: 5 (1 reviews)

Kategoriya:

- Virusga qarshi

Ishlab chiqarilish joyi:

- O'zbekiston

Farmakoterapevtik guruh:

- Virusga qarshi vosita

Qadoqda soni:

- 40

Ishlab chiqaruvchi:

- Jurabek Laboratories, СП ООО

ATX kodi:

- J05AX

Barcha Kovidafavir dorilari

Noaniqliq haqida habar berish

O'xshash dorilar

GROPRINOSIN sirop 150ml 250mg/5ml Gedeon Richter PLC Vengriya

95 000 s`om dan

VALTREKS tabletkalari 500mg N10 Глаксо Вэллком С.А./ГлаксоСмитКляйн Фармасьютикалз Ispaniya / Polsha

188 500 s`om dan

NOVIRIN tabletkalari 500mg N40 Киевский витаминный завод, ПАО Ukraina

98 000 s`om dan

AMIZON tabletkalari 0,125g N10 Фармак, ПАО Ukraina

23 500 s`om dan

Yaroqlilik muddati (oy)

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

Tarkibi:

Faol modda: Favipiravir - 200.0 mg;

Yordamchi moddalar: laktoza monogidrati, mikrokristall tsellyuloza, povidon K-30, natriy kroskarmellozasi, magniy stearati.

Qobiqning tarkibi: makrogol, gipromeloza, titan oksidi, tropeolin OO.

Сhiqarilish shakli

10 tabletkadan kontur uyali o'ramda. Qutida 4 kontur uyali o'ramda qo'llanilishiga doir yo'riqnomaroqlilshk bilan birga.

Dori shakli

Qobiq bilan qoplangan tabletkalar

Farmakodinamikasi

In vitro virusga qarshi faolligi

Favipiravir A va V gripp viruslarining laboratoriya shtammlariga qarshi virusga qarshi faollikka ega (yarim maksimal samarali kontsentratsiyasi (EC50) 0.014-0.55 mkg/ml).

Adamantanga (amantadin va rimantadin), oseltamivir yoki zanamivirlarga chidamli A va V gripp viruslari shtammlari uchun YeC50 muvofiq ravishda 0.03-0.94 mkg/ml va 0.09-0.83 mkg/ml ni tashkil etadi. A tipidagi cho'chqa grippi va A tipidagi parranda grippi kabi A gripp virusi shtammlari (shu jumladan adamantan, oseltamivir va zanamivirga chidamli shtammlari), shu jumladan yuqori patogen shtammlari uchun, (shu jumladan, H5N1 va H7N9), YeC50 0.06-3.53 mcg/ml ni tashkil qiladi.
Adamantan, oseltamivir va zanamivirlarga chidamli A va V gripp viruslarining shtammlari uchun YeS50 0.09-0.47 mkg/ml ni tashkil qiladi; teskari chidamlilik kuzatilmaydi.

Favipiravir yangi koronavirus infektsiyasini (COvID-19) chaqiruvchi SARS-Cov-2 virusini ingibirlaydi. vero Ye6 hujayralaridagi YeC50 61.88 mkmol' tashkil qilib, 9.72 mkg/ml ga to'g'ri keladi.

Ta'sir mexanizmi

Favipiravir hujayralarda riboziltrifosfat favipiravirgacha (RTF favipiravir) metabolizmga uchraydi va gripp virusi replikatsiyasida ishtirok etuvchi RNK-qaram RNK polimerazani tanlab ingibirlaydi. RTF favipiravir (1000 mmol / l) inson α DNK siga ingibirlovchi ta'sirin ko'rsatmadi, lekin β ga 9.1 dan 13.5% gacha oraliqda va inson γ DNK siga 11.7 dan 41.2% oraliqda ingibitorlovchi ta'sirini ko'rsatdi. RTF favipiravirning inson II RNK polimeraza uchun ingibitsiya qiluvchi konsentratsiyasi (IC50) 905 mkmol'/l ni tashkil etdi.

Сhidamlilik

Favipiravir ishtirokida 30 qayta ekishdan keyin A tipidagi gripp viruslarining favipiravirga ta'sirchanligida hech qanday o'zgarish kuzatilmadi,a shuningdek, chidamli shtammlar kuzatilmadi. Keltirilgan klinik tadqiqotlarda favipiravirga chidamli gripp viruslari aniqlanmagan.

Farmakokinetikasi

So'rilishi

Favipiravir me'da-ichak yo'llarida oson so'riladi. Maksimal konsentratsiyaga erishish vaqti (Tmax) 1.5 soat.

Taqsimlanishi

Plazma oqsillariga bog'lanishi taxminan 54% ni tashkil qiladi.

Metabolizmi

Favipiravir asosan aldegidoksidaza bilan metabolizmga uchraydi va qisman ksantinoksidazaning gidroksillangan shakligacha metabolizmga uchraydi. RTF favipiravir hujayralarda almashinadi. Inson plazmasida va siydakda gidroksilatdan tashqari boshqa metabolitlardan, glyukuronat konyugati ham qayd qilingan.

Сhiqarilishi

Favipiravir asosan gidroksilatning faol metaboliti ko'rinishida buyraklar tomonidan, kichik miqdori o'zgarmagan ko'rinishda chiqariladi. Yarim chiqarilish davri (T1/2) taxminan 5 soat.

Jigar funktsiyasi buzilgan patsientlar

Engil va o'rta og'irlik darajasidagi jigar yetishmovchiligi bo'lgan patsientlarda favipiravirni qabul qilganda (Сhayld-P'yu tasnifi bo'yicha A va V sinf), Smax i AUC sog'lom ko'ngillilarga nisbatan muvofiq 1.5 marta va 1.8 martaga oshdi. Og'ir darajadagi jigar yetishmovchiligi (Сhayld-P'yu tasnifi bo'yicha C sinf) bo'lgan patsientlar uchun Smax i AUC muvofiq 2,1 marta va 6,3 martani tashkil qildi.

Buyrak funktsiyasi buzilgan patsientlar

O'rta og'irlik darajasidagi buyrak yetishmovchiligi bo'lgan patsientlarda KFT <60 ml/min va ≥30 ml/min) favipiravirning qoldiq kontsentratsiyasi (Ctrough) buyrak funksiyasi buzilmagan patsientlarga nisbatan 1,5 marta oshgan. Preparat og'ir va terminal og'irlik darajasidagi buyrak yetishmovchiligi bo'lgan patsientlarda o'rganilmagan (KFT <30 ml/min).

Nojo'ya samaralari

Kovidafavir preparatining klinik tadqiqotida nojo'ya ta'sirlar 60 ta patsientdan 6 ta patsientda (10%) kuzatilgan, shuningdek, 2 ta patsientda (3.3%), 1 ta patsientda (1.7%) patsientda ko'ngil aynishi, 1 ta patsientda (1.7%) alaninaminotransferaza (ALT) faolligini oshishi va aspartataminotransferaza (AST) faolligini oshishi va 1 ta patsientda (1.7%) ko'krak qafasida og'riq. Bu salbiy reaktsiyalar, sababi noma'lum bo'lgan ko'krak qafasidagi og'riq bundan mustasno, 1- jadvalda keltirilgan favipiravirning ma'lum salbiy dori reaktsiyalari bilan mos.

Salbiy reaktsiyalar tez-tezligini baholash JSST tasnifiga asoslanadi: juda tez-tez (≥1/10); tez-tez (≥1/100, <1/10); tez-tez emas (≥1/1000, <1/100); kam hollarda (≥1/10000, <1/1000); juda kam hollarda (<1/10000), tez-tezligi noma'lum (mavjud ma'lumotlardan tez-tezligini aniqlash mumkin emas).

Jadval 1. Nojo'ya reaktsiyalar

A'zolar tizimlar bo'yicha tasnif	Nojo'ya reaktsiyalar
Qon va limva tizimi tomonidan buzilishlar	Tez-tez: neytropeniya, leykopeniya kam hollarda: leykotsitoz, monotsitoz, retikulotsitopeniya
Moddalar almashinuvi va ovqatlanish tomonidan buzilishlar	Tez-tez: giperurikemiya, gipertriglitseridemiya tez-tez emas: glyukozuriya kam hollarda: gipokaliemiya
Immun tizimi tomonidan buzilishlar	Tez-tez emas: toshma Kam hollarda: ekzema, qichishish
Nafas tizimi, ko'krak qafasi va ko'ks oralig'i a'zolari tomonidan buzilishlar	Kam hollarda: bronxial astma, tomoqda og'riq, rinit, nazofaringit
Me'da-ichak yo'li tomonidan buzilishlar	Tez-tez: diareya Tez-tez emas: ko'ngil aynishi, qusish, qorinda og'riq kam hollarda: qorinda noqulaylik, o'n ikki barmoq yarasi, qonli axlat, gastrit
Jigar va o't yo'llari tomonidan buzilishlar	Tez-tez: ALT faolligini ortishi, AST faolligini ortishi, gamma-glutamiltransferaza (GGT) faolligini ortishi Kam hollarda: ishqoriy fosfataza (IF) faolligin ortishi, qonda bilirubin kontsentratsiyasi ortishi
Boshqalar	Kam hollarda: anomal xatti-xarakat, kreatinfosfokinaza (KFK) faollgi ortishi, gematuriya, tomoq polipi, giperpigmentatsiya, ta'm sezgisini buzilishi, gematoma, aniq ko'rmaslik, ko'zda og'riq, vertigo, qorinchalar usti ekstrasistolasi, ko'krak qafasida og'riq

Sotish shartlari

Shifokor retsepti bo'yicha.

Maxsus shartlar

Preparatni qo'llash faqat tibbiy yordamning statsionar sharoitidagina mumkin. Nojo'ya ta'sir rivojlanganda, farmakonazorat bo'yicha tadbirlarini amalga oshirish uchun belgilangan tartibda xabar qilinishi kerak.

Kovidafavir preparatini qabul qilishdan oldin patsientga preparatning samaradorligi va uni ishlatish bilan bog'liq xavflar (shuningdek, embrion va homilaga ta'sir qilish xavfi) haqida yozma ma'lumot berishi va preparatni qo'llash uchun yozma rozilik olish kerak.

Favipiravirning hayvonlardagi tadqiqotlari embrion o'limini va teratogenligini ko'rsatganligi sababli, Kovidafavir preparati homilador va homiladorlikka gumon qilingan ayollarga buyurilmasligi kerak.

1) Tug'ruq yoshidagi ayollarda Kovidafavir preparatini tavsiya etishda(shu jumladan, 2 yildan kam postmenopauzal davrdagi ayollar) davolash boshlashdan oldin homiladorlik testini manfiy natijasini tasdiqlash zarur. Tug'a oluvchi ayollarga xavflarni to'liq tushuntirish va preparatni qo'llash paytida va uning tugagandan so'ng 1 oy ichida (spermitsid bilan prezervativ) juftlari bilan kontratseptsiyaning eng samarali usullaridan foydalanish kerakligin yaxshilab tushuntirilishi kerak. Homiladorlikka gumon qilinganda, darhol preparatni ichishni to'xtatish va shifokor bilan maslahatlashish kerak.

2) Kovidafavir preparati odam organizmida tarqalganda spermaga kiradi. Preparatni erkak patsientlarga buyurganda, xavflarni to'liq tushuntirish va preparatni qo'llash paytida va tugagandan 3 oydan keyin (spermitsid bilan prezervativ) jinsiy aloqa uchun eng samarali kontratseptsiya usullaridan foydalanishni kerakligini tushuntirish kerak. Qo'shimcha tarzda, erkak patsientlarga homilador ayollar bilan jinsiy aloqa qilmaslik haqida ko'rsatma berish kerak.

3) Kovidafavir preparati odam organizmida tarqalganda ona sutiga o'tadi. Preparatni emizikli ayollarga buyurganda, xavf-xatarlar to'liq tushuntirilishi va preparatni qabul qilishda va qabul tugagandan keyin 7 kun davomida emizishni to'xtatish haqida diqqat bilan ko'rsatma berilishi kerak.

Transport vositalarini haydash va mexanizmlarni boshqarish qobiliyatiga ta'sir ko'rsatish

Transport vositalarini boshqarish va mexanizmlar bilan ishlashda ehtiyotkorlikka rioya qilish kerak.

Qo'llanilishi

Yangi koronavirus infeksiyasini davolash (COvID-19) da qo'llanadi.

Qo'llanilishi mumkin bo'lmagan holatlar

Favipiravir yoki Kovidafavir preparatining har qanday komponentga yuqori sezuvchanlik.

Og'ir darajasidagi jigar yetishmovchiligi (Сhayld-P'yu tasnifi bo'yicha S sinf).

Og'ir va terminal darajasidagi buyrak yetishmovchiligi (KFT<30 ml/min).

Homiladorlik yoki homiladorlikni rejalashtirish.

Emizish davri.

18 yoshgacha bo'lgan bolalarda qo'llash mumkimn emas.

Ehtiyotkorlik bilan

Anamnezida podagra va giperurikemiya bo'lgan patsientlarda (qonda siydik kislotasi darajasining oshishi va simptomlarning kuchayishi mumkin), keksa patsientlarda, yengil va o'rta darajasidagi jigar yetishmovchiligi (Сhayld-P'yu tasnifi bo'yicha A va V sinf ), o'rta darajasidagi buyrak yetishmovchiligi bo'lgan patsientlarda (KFT <60 ml/min va ≥30 ml/min).

Dori vositalarining o'zaro ta'siri

Kovidafavir preparati tsitoxrom R450 tomonidan metabolizmga uchramaydi, asosan aldegidoksidaza tomonidan metabolizmga uchraydi va qisman ksantinoksidaza tomonidan metabolizmga uchraydi. Kovidafavir preparati aldegidoksidaza va tsitoxrom CYP2C8 ni ingibitsiya qiladi, lekin tsitoxrom R450 ni indutsiya qilmaydi.

Jadval 2. Dorilar bilan o'zaro ta'siri

Dori vositalar	Belgilari, simptomlari va davolash	Ta'sir mexanizmi va xavf omili
Pirazinamid	Giperurikemiya	Buyrak kanalchalarida siydik kislota reabsorbtsiyasini qo'shimcha oshiradi.
Repaglinid	Qonda repaglinid kontsentratsiyasini oshirish mumkin, repaglinidga nisbatan nojo'ya ta'sirlar rivojlanishi ehtimoli bor.	CYP2C8 ingibitsiya qilinish qonda repaglinid kontsentratsiyasini oshirishga olib keladi.
Teofillin	Qonda favipravir kontsentratsiyasini oshirish mumkin, favipravirga nisbatan nojo'ya ta'sirlar rivojlanishi ehtimoli bor.	Ksantinoksidaza bilan o'zaro ta'sir qonda favipravir kontsentratsiyasini oshirishiga olib kelishi mumkin
Famtsiklovir, sulindak	Ushbu dori preparatlarning samaradorligi pasayishi mummkin.	Al'degioksidazaning favipiravir bilan ingibitsiya qilinishi ushbu preparatlarni faol shakillarini qondagi kontsentratsiyasini pasayishiga olib kelishi mumkin.

Maxsus saqlash sharoitlari

Yaroqlilik muddati

3 yil.

Yaroqlilik muddati tugaganidan keyin foydalanilmasin.

Saqlash shartlari

Quruq, yorug'likdan himoyalangan va bolalar ololmaydigan joyda, 25°C dan yuqori bo'lmagan haroratda saqlansin.

Ta'rifi

Sariqdan och sariq ranggacha bo'lgan plyonka qobiq bilan qoplangan, dumaloq, ikki tomoni qavariq tabletkalar .

Dozirovkasi

Ichga, ovqatdan 30 minut oldin. Kavidafavir preparati statsionar sharoitda tavsiya etiladi.

Yangi koronavirus infektsiyasi (COvID -19)

Kovidafavir preparati patsientning tana vazniga qarab, standart sxema bo'yicha kattalar uchun buyuriladi:

Tana massasi 75 kg dan kam bo'lgan patsientlar uchun: 1600 mg dan kuniga 2 marta 1 – kun va keyin 600 mg dan kuniga 2 marta 2-10 kunlarda .

Tana massasi 75 kg yoki undan ortiq og'irlikdagi patsientlar uchun: 1800 mg dan kuniga 2 marta 1- kun va keyin 800 mg dan kuniga 2 marta 2-10 kunlarda.

Davolashning umumiy davomiyligi 10 kunni tashkil qiladi yoki virus bartaraf etilgani tasdiqlangunga qadar, agar erta sodir bo'lsa (kamida 24 soat oraliq bilan olingan PTsR-tekshiruvining ikki ketma-ket salbiy natijalari).

Dozani oshirib yuborilishi

Favipiravir bilan dozani oshirib yuborish holati haqida ma'lumot mavjud emas.

Homiladorlik va laktatsiya davrida qullanishi

Favipiravirning preklinik tadqiqotlarda, klinik yoki kichik tadqiqotlardagi o'xshash bo'lgan dozalari, erta bosqichlardagi embrion o'limiga va teratogenligiga sabab bo'ldi.

Kavidafavir preparati homiladorlikda va ayollar va erkaklarda homiladorlikni rejalashtirish paytida tavsiya etilmaydi. Tug'ruq yoshidagi ayollarda Kovidafavir preparatini tavsiya etishda(shu jumladan, 2 yildan kam postmenopauzal davrdagi ayollar) davolash boshlashdan oldin homiladorlik testini manfiy natijasini tasdiqlash zarur. Preparatni qabul qilish tugaganidan keyin homiladorlik testini qayta o'tkazish kerak.

Preparatni qabul qilish paytida va tugagandan keyin samarali kontratseptiv (spermitsid bilan prezervativ) usullarini qo'llash kerak: ayollar 1 oy davomida va erkaklar 3 oy davomida.

Kovidafavir preparatini buyurishda emizikli ayollar preparatni qabul qilish paytida va tugagandan keyin 7 kun davomida emizishni to'xtatishlari kerak, chunki favipiravirning asosiy metaboliti ona sutiga kiradi.

Fikr qoldirish