MR DIMEDROLINI inyeksiya uchun eritma 1ml 1% N10

QO‘LLASH BO‘YICHA YO‘RIQNOMA

DIMEDROLIN

DIMEDROLIN

Preparatning savdo nomi: Dimedrolin

Ta‘sir etuvchi modda (XPN): Difengidramin

Dori shakli: Vena ichiga va mushak ichiga yuborish uchun eritma.

Tarkibi:

1 ml eritma quyidagilarni saqlaydi:

Faol modda: Difengidramin gidroxloridi (dimedrol) – 10 mg.

Yordamchi modda: in‘eksiya uchun suv – 1 ml gacha.

Ta‘rifi: Tiniq, rangsiz eritma.

Farmakoterapevtik guruhi: Allergiyaga qarshi vosita.

ATX kodi: R05AA02

Farmakologik xususiyatlari

N₁-gistamin reseptorlarining birinchi avlod blokatori hisoblanadi. Markaziy nerv tizimiga ta‘siri bosh miya N₁-gistamin reseptorlarining va m-xolinoreseptorlarning blokadasi bilan bog‘liq. Gistamin tomonidan chaqiriladigan silliq mushaklarning spazmini, kapillyarlarning o‘tkazuvchanligini oshishini, to‘qimalarning shishi, qichishishi va giperemiyasini kamaytiradi yoki oldini oladi, mahalliy og‘riqsizlantiruvchi, qusishga qarshi, sedativ samaralarga ega, uyqu chaqiruvchi ta‘sir ko‘rsatadi. Yallig‘lanish va allergiya jarayonlarida gistamin bilan antagonizmi tizimli, (ya‘ni arterial bosimning pasayishi ta‘sirlariga qaraganda) ko‘proq darajada mahalliy tomirli reaksiyalarga nisbatan ko‘proq darajada namoyon bo‘ladi. Lekin, aylanayotgan qon hajmining tanqisligi bo‘lgan pasientlarga parenteral yuborilganida, arterial bosimni pasayishi va mavjud bo‘lgan gipotenziyani kuchayishi mumkin. Miyaning lokal buzilishlari va tutqanog‘i bo‘lgan odamlarda (xatto past dozalarda ham) elektroensefalogrammada tutqanoq razryadlarini faollashtiradi va tutqanoq xurujlarini qo‘zg‘atishi mumkin.

Ta‘siri bir necha minut davomida rivojlanadi va 12 soatgacha davom etadi.

Farmakokinetikasi

Vena ichiga va mushak ichiga yuborilganidan keyin dimedrol organizmda keng tarqaladi, maksimal konsentrasiyasiga 20-40 minut o‘tgach erishiladi. Gematoensefalik to‘siq va yo‘ldosh orqali yaxshi o‘tadi. 99% dan ko‘prog‘i plazma oqsillari bilan bog‘lanadi. Jigarda metabolizmga uchraydi. Yarim chiqarilish davri 1–4 soatni tashkil qiladi. Sut bilan chiqariladi va emizikli bolalarda sedativ samara chaqirishi mumkin. Sutka davomida organizmdan to‘liq, asosan glyukuron kislotasi bilan kon‘yugirlangan benzgidrol ko‘rinishida, va ahamiyatsiz miqdorida – o‘zgarmagan holda chiqariladi.

Qo‘llanilishi

Majmuaviy davolashda – anafilaktik va anafilaktoid reaksiyalar, Kvinke shishi, zardob kasalligi.

Me‘da va o‘n ikki barmoq ichak yara kasalligi, giperasid gastrit (majmuaviy davolash tarkibida).

Parkinsonizm, xoreya, uyqusizlik.

Homiladorlar qusishi, Mener sindromi, dengiz va havo kasalligi, nur kasalligi.

Teri va yumshoq to‘qimalarning katta travmatik shikastlanishlari (kuyishlar, ezilishlar), gemorragik vaskulit.

Premedikasiya.

Qo‘llash usuli va dozalari

Qo‘llash usuli: vena ichiga va mushak ichiga yuboriladi.

Kattalarga va 14 yoshdan oshgan bolalarga vena ichiga yoki mushak ichiga 10 mg/ml 1-5 ml eritma (10-50 mg) kuniga 1-3 marta; maksimal sutkalik doza – 200 mg.

7 oylikdan 12 oylikkacha bo‘lgan bolalar uchun 0,3-0,5 ml dan (3-5 mg), 1 yoshlikdan 3 yoshlikkacha 0,5-1 ml dan (5-10 mg), 4 dan 6 yoshlikkacha 1-1,5 ml dan (10-15 mg), 7 dan 14 yoshlikkacha 1,5-3 ml dan (15-30 mg) zarurati bo‘lganida har 6-8 soatda yuboriladi.

Qo‘llash mumkin bo‘lmagan holatlar

O‘ta yuqori sezuvchanlik, yopiqburchakli glaukoma, prostata bezining giperplaziyasi, stenozlovchi me‘da va o‘n ikki barmoq ichakning yara kasalligi, qovuq bo‘ynining stenozi, bronxial astma, tutqanoq, 7 oylikkacha bo‘lgan bolalik yoshi.

Ehtiyotkorlik choralari: Dimedrolin bilan davolanish vaqtida ultrabinafsha nurlanish va spirtli ichimliklarni iste‘mol qilishdan saqlanish kerak.

Shifokorga bu preparatni qo‘llash haqida ma‘lumot berish kerak: qusishga qarshi ta‘siri appendisitning diagnostikasini va boshqa dori vositalarining dozasini oshirib yuborilishi simptomlarini aniqlashni qiyinlashtirishi mumkin.

Preparatning dori shakli uni teri ostiga yuborish uchun ishlatishni nazarda tutmaydi.

Nojo‘ya ta‘sirlari

Allergik reaksiyalar: eshakemi, fotosezuvchanlik, teri toshmasi, qichishish, anafilaktik shok.

Nerv tizimi tomonidan: bosh aylanishi, uyquchanlik, asabiylik, uyqusizlik, eyforiya, umumiy kuchsizlik, charchoqlik, sedativ ta‘siri, diqqatni pasayishi, bosh og‘rig‘i, harakatlar koordinasiyasini buzilishi, bezovtalik, yuqori qo‘zg‘aluvchanlik (ayniqsa bolalarda), ta‘sirchanlik, ongni chalkashishi, tremor, nevrit, tirishishlar, paresteziya, ko‘rishni buzilishi, o‘tkir labirintit, quloqlarda shovqin, tutqanoqsimon xurujni qo‘zg‘atishi mumkin.

Ovqat hazm qilish tizimi tomonidan: og‘izni qurishi, og‘iz bo‘shlig‘ining shilliq qavatini qisqa muddatli uvishishi, anoreksiya, diareya, qabziyat, ko‘ngil aynishi, epigastral distress, qusish.

Nafas tizimi tomonidan: og‘iz bo‘shlig‘i, burun, bronxlarning shilliq qavatini quruqligi (balg‘amning qovushqoqligini oshishi), ko‘krak qafasida siqilish.

Qon yaratish a‘zolari tomonidan: gemolitik anemiya, trombositopeniya, agranulositoz.

Yurak-tomir tizimi tomonidan: gipotenziya, yurak urishi, taxikardiya, ekstrasistoliya.

Siydik chiqarish tizimi tomonidan: siyishni buzilishi.

Boshqalar: ko‘p terlash, etni uvishishi.

Dorilarning o‘zaro ta‘siri

Etanol va boshqa markaziy nerv tizimini susaytiruvchi dori vositalarining ta‘sirini kuchaytiradi.

Monoaminooksidaza ingibitorlari dimedrolinning antixolinergik faolligini kuchaytiradi.

Psixostimulyatorlar bilan birga buyurilganida antagonistik o‘zaro ta‘siri aniqlanadi.

Zaharlanishni davolashda apomorfinning qustiruvchi dori vositasi sifatidagi samaradorligini pasaytiradi.

M-xolinobloklovchi faollikka ega bo‘lgan dori vositalarining antixolinergik samaralarini kuchaytiradi.

Maxsus ko‘rsatmalar

Homiladorlik davrida va emizish davrida preparatni ho‘llash mumkin emas (bu “hayotiy” ko‘rsatmalar bo‘yicha zarur bo‘lgan hollardan tashqari).

Dori preparatini transport vositalarini va mexanizmlarni boshqarish qobiliyatiga ta‘siri

Davolanish vaqtida transportni haydash va yuqori diqqatni va psixomotor reaksiyalar tezligini talab qiluvchi potensial xavfli faoliyat turlari bilan shug‘ullanishga yo‘l qo‘yilmaydi.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Simptomlari: markaziy nerv tizimini susayishi, qo‘zg‘alish (ayniqsa bolalarda) yoki depressiya, qorachiqlarni kengayishi, og‘izni qurishi, me‘da-ichak yo‘llarining parezi.

Davolash: spesifik antidoti yo‘q, me‘dani yuvish, zarurati bo‘lganida – arterial bosimni oshiruvchi  dori vositalari, kislorod, vena ichiga plazma o‘rnini bosuvchi suyuqliklarni yuborish. epinefrin va analeptiklarni ishlatish mumkin emas.

Chiqarilish shakli

Vena ichiga va mushak ichiga yuborish uchun 1% li eritma, 1 ml yoki 2 ml dan ampulalarda. 10 ampuladan qo‘llash bo‘yicha yo‘riqnomasi bilan birga karton qutida yoki 5, 10 ampuladan karton qutida yoki 5, 10 ampuladan kontur uyali o‘ramda.

Saqlash sharoiti

Quruq, yorug‘likdan himoyalangan joyda, 25ºS yuqori bo‘lmagan haroratda saqlansin.

Yaroqlilik muddati

4 yil.

Dorixonalardan berish tartibi

Resept bo‘yicha.