PULMOKSOL sirop 150ml 30mg/5ml

QO‘LLASH BO‘YICHA YO‘RIQNOMA

PULMOKSOL^TM

PULMOXOL^TM

Preparatning savdo nomi: Pulmoksol^TM

Ta‘sir etuvchi modda (XPN: ambroksol (ambroxol)

Dori shakli: sirop

Tarkibi:

Siropning har 5 ml quyidagilarni saqlaydi:

faol modda: 15 mg ambroksol gidroxloridi;

yordamchi moddalari: benzoy kislotasi, sorbit (70%), qulupnayli essensiya, ionsizlangan suv.

Ta‘rifi: rangsiz, tiniq eritma.

Farmakoterapevtik guruhi: mukolitik vosita.

ATX kodi: R05CB06

Farmakologik xususiyatlari

Farmakodinamikasi

Ambroksol gidroxloridi mukolitik va balg‘am ko‘chiruvchi ta‘sir ko‘rsatadi. Ambroksol bromgeksinning metaboliti bo‘lib, kuchli balg‘am ko‘chiruvchi ta‘sirga ega. Ambroksol gidroxloridi surfaktant hosil bo‘lishini rag‘batlantiradi, kipriksimon epiteliyning faolligini oshiradi. Ambroksol gidroxloridi balg‘am ko‘chiruvchi ta‘sir ko‘rsatib, nafas yo‘llarida to‘planib qolgan balg‘amni, uni suyulishi va adgezivligini (yopishqoqligini) kamaytirishi hisobiga, yo‘tal vaqtida chiqarilishini yengillashtiradi. Bronxial sekresiyani oshiradi va uning qovushqoqligini kamaytiradi. Mukolitik ta‘siri natijasida shilliqning adgezivligini buzadi, balg‘amni sezilarli darajada yumshatadi, shunday qilib, uning chiqarilishini yengillashtiradi.

Farmakokinetikasi

Ambroksol gidroxloridi og‘iz orqali qo‘llanganida tez va to‘liq so‘riladi. Biokiraolishligi taxminan 70% ni tashkil etadi. 1/3 qismi jigar orqali «birinchi» o‘tishda eliminasiyaga uchraydi. Och qoringa qabul qilinganida plazmadagi maksimal konsentrasiyasiga 2,5 soatdan keyin erishiladi. Yarim chiqarilish davri 9-10 soatni tashkil etadi. Plazmadagi terapevtik konsentrasiyasi 30 ng/ml ni tashkil etadi. Bunday konsentrasiyaga  preparat 30 mg dan kuniga 2 marta qabul qilib erishish mumkin. Qayta qabul qilinganida plazmada to‘planmaydi. Preparatning 90% oqsillar bilan bog‘lanadi. Peroral qabul qilinganidan keyin preparatning 85% metabolitlari ko‘rinishida va 10% o‘zgarmagan holda siydik bilan chiqariladi.

Qo‘llanilishi

Pulmoksol^TM o‘pkaning surunkali obstruktiv kasalliklarida, bronxial astmada, bronxoektaziyalarda, o‘tkir va surunkali bronxitlarda, laringitlarda, sinusitlarda, rinitlarda, o‘tkazilgan bronx-o‘pka operasiyalaridan keyingi asoratlarni davolash va oldini olishda qo‘llanadi.

Qo‘llash usuli va dozalari

Agar shifokorning boshqa tavsiyalari bo‘lmasa, Pulmoksol^TM quyidagicha buyuriladi:

Bolalar:

2 yoshgacha: 2,5 ml kuniga 2 marta;

2-5 yosh: 2,5 ml kuniga 3 marta;

5-12 yosh: 5 ml kuniga 2-3 marta buyuriladi.

Nojo‘ya ta‘sirlari

Juda kam hollarda ko‘ngil aynashi, qusish, diareya, holsizlik, bosh og‘rig‘i, teri toshmalari kuzatilishi mumkin.

Noxush samaralar paydo bo‘lganida shifokorga murojaat qiling.

Qo‘llash mumkin bo‘lmagan holatlar

Bromgeksinga, ambroksolga yoki preparatning boshqa komponentlariga yuqori sezuvchanlikda qo‘llash mumkin emas.

Dorilarning o‘zaro ta‘siri

Kodein va atropinsimon komponentlarni saqlovchi, sekresiyani kamaytiruvchi yo‘talga qarshi vositalar bilan birga ishlatilmasin.

Maxsus ko‘rsatmalar

Kodein va yo‘talga qarshi boshqa vositalar bilan majmuada qo‘llash tavsiya qilinmaydi, chunki bunda balg‘am va shilliqni ajralishi qiyinlashadi. Jigar, buyrak funksiyasi buzilishlarida, shuningdek peptik yaralarda ehtiyotkorlik bilan buyurish kerak.

Homiladorlik vaqtida va laktasiya davrida qo‘llanishi

Homiladorlik (V toifasi)

Klinik tadqiqotlarning yetarli emasligini inobatga olib, homiladorlikning I uch oyligida preparatni faqat juda zarur xollarda foyda xavfi nisbati baxolangandan so‘ng buyurish mumkin.

Laktasiya

Preparat ko‘krak sutiga ajralib chiqadi, biroq terapevtik dozalarda qabul qilingan preparat bolaga salbiy ta‘sir ko‘rsatmaydi.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Dozani oshirilib yuborilishi hollari kuzatilmagan. Maxsus antidoti yo‘q. Dozani oshirib yuborilishi simptomlari paydo bo‘lganida bemorlarda sun‘iy tarzda qusishni chaqirish, me‘dani yuvish, simptomatik va samarani bir maromda ushlab turuvchi davolashni buyurish kerak.

Chiqarilish shakli

150 ml pediatrik sirop to‘q shisha flakonda.

1 ta flakon o‘lchov qopqoqchasi (15 ml 2,5 ml va 5 ml belgili) va qo‘llash bo‘yicha yo‘riqnomasi bilan birga komplektda karton qutiga joylangan.

Saqlash sharoiti

25⁰S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Reseptsiz