Akvadetrim

10 ml preparatdan kafolat halqasiga ega buraluvchi qopqoqcha bilan berkitilgan va tomchi dozatori bo‘lgan to‘q shisha flakonlarda. Flakonga yorliq yopishtirilgan. 

1 flakon tibbiyotda qo‘llanilishiga doir yo‘riqnoma bilan birga karton qutiga joylangan.

D vitaminining asosiy roli kalьtsitonin va paratgormon bilan birgalikda kalьtsiy metabolizmi va fosfatlar almashinuvini boshqarishdir. 

D3 vitamini antiraxit omil hisoblanib, qalqonsimon oldi bezlarning normal faoliyat yuritishi uchun muhimdir. D vitamini ta'sir ko‘rsatuvchi eng muhim a'zolar va tizimlar bo‘lib ichak, buyraklar va suyak-mushak tizimi hisoblanadi. Ichakda D vitamini Ca2+ ioni va fosfatlar so‘rilishini faollashtiradi, buyraklarda ionlarning qayta so‘rilishiga yordam beradi, suyak to‘qimasida mobilizatsiya qiladi va mineral tuzlarning yig‘ilishiga yordam beradi. Kalьtsiy ionlarining miqdori muvofiq mushak tonusi, nerv impulьslarining uzatilishi va qonning quyilishini ta'minlovchi muhim biokimyoviy jarayonlarga ta'sir ko‘rsatadi.

Ovqatda D vitaminining tanqisligi, uning so‘rilishining buzilishi, kalьtsiy ionlarininng yetishmovchiligi, jigar kasalliklari, ayrim dori preparatlarini qabul qilish, shuningdek quyosh nurlari ta'sirining bo‘lmasligi bolalar organizmning jadal o‘sish davrida raxit, kattalarda esa osteomalyatsiya rivojlanishiga olib keladi.

Raxit profilaktikasi uchun D vitaminini qabul qilish ko‘pchilik go‘daklar va kichik yoshdagi bolalar uchun zarurdir. Osteoporoz tez-tez kuzatiladigan postmenopauzadagi ayollar, gormonal o‘zgarishlar tufayli, D vitaminining sutkalik dozasini oshirishlari kerak. 

D3 vitamini ishqoriy fosfatazani faollashtiradi. Raxitni davolash davrida ishqoriy fosfataza faolligining pasayishi D vitaminini to‘g‘ri qo‘llanayotganligining ko‘rsatkichi bo‘lishi mumkin. D vitaminiga shaxsiy ehtiyojni ta'minlashda, organizmga vitamin tushishining barcha manbalarini inobatga olish kerak.

Preparat ko‘rsatilgan dozaga muvofiq qo‘llanishi kerak, quyidagi hollarda ehtiyotkorlikka rioya qilish zarur:

• Patsiyent immobilizatsiyasida;

• Patsiyent tomonidan tiazid diuretiklar qabul qilinganda;

• Patsiyentda yurak xastaliklari mavjud bo‘lganda;

• Patsiyent tomonidan angishvonagul glikozidlari qabul qilingan holatda;

• Agar patsiyent ayol homilador yoki emizayotgan bo‘lsa;

• Agar patsiyent bir vaqtda kalьtsiyning yuqori dozalarini qabul qilayotgan bo‘lsa; bolalarga D vitaminining sutkalik ehtiyoji va yuborish usuli shaxsiy tarzda tanlanadi va, ayniqsa, hayotining ilk oylarida davriy tekshiruvlarda tekshirib turiladi;

• Tug‘ma kichik o‘lchamdagi old liqildoqli go‘daklarda.

D vitamini 1000 XB dan yuqori bo‘lgan sutkalik dozada uzoq vaqt qabul qilinganda, qon zardobi va siydikda kalьtsiy miqdorini nazorat qilib turish kerak. 

D3 vitaminining uzoq vaqt davomida qo‘llanilgan juda yuqori dozalari yoki zarba dozalari surunkali gipervitaminoz sababi bo‘lishi mumkin.

Preparatni qabul qilishda, qon zardobi va siydikda kalьtsiy va fosfatlar kontsentratsiyasini davriy ravishda nazorat qilib turish tavsiya etiladi. 

Preparat benzil spirti (15 mg/ml) saqlaydi, bu 1 tomchida 0,5 mg ga to‘g‘ri keladi. Preparat allergik reaktsiyalar chaqirishi mumkin. 

Ushbu preparat fruktozani o‘zlashtirolmaslik, glyukoza-galaktoza malьabsorbtsiyasi sindromi yoki saxaraza-izomalьtaza yetishmovchiligi bilan bog‘liq bo‘lgan kam uchraydigan nasliy buzilishlari bo‘lgan patsiyentlarga buyurilishi mumkin emas. 

Homiladorlik va laktatsiya davri.

D3 vitamin homiladorlik davrida faqat shifokor ko‘rsatmasiga binoan qo‘llanishi mumkin. Homiladorlik davrida D3 vitaminini doza oshirib yuborilgan taqdirda teratogen ta'sirning paydo bo‘lish ehtimoli tufayli yuqori dozalar qo‘llash mumkin emas (homiladorlik davrida D vitamini dozasini oshirib yuborish bolani aqliy rivojlanishining buzilishi va yurak tug‘ma nuqsonlarining ehtimoliy sababi hisoblanadi). 

D3 vitamin laktatsiya davrida faqat shifokor ko‘rsatmasiga ko‘ra qo‘llanishi mumkin. Preparatni emizayotgan ayollarda qo‘llashda, bolada dozani oshirib yuborish simptomlari paydo bo‘lish xavfi tufayli, ehtiyotkorlikka rioya qilish kerak.

Transport vositalarini haydash va mexanik qurilmalarga xizmat ko‘rsatish qobiliyatiga ta'siri. 

Ta'sir qilmaydi.

25°S dan yuqori bo‘lmagan haroratda saqlansin. Sovutgichda saqlanmasin, muzlatilmasin

Yorug‘likdan himoya qilish maqsadida, asl o‘ramida saqlansin.

Bolalar ololmaydigan joyda saqlansin. 

Kalьtsiy-fosfat almashinuvini boshqaruvchi faol omil sifatida hisoblanuvchi D vitamini dozasi oshirib yuborilgan taqdirda giperkalьtsiyemiya, giperkalьtsiuriya, buyraklar kalьtsifikatsiyasi, suyaklarning shikastlanishi va yurak-qon tomir tizimida o‘zgarishlarni chaqirishi mumkin. Giperkalьtsiyemiya D vitaminini sutkada 50 000- 100 000 XB dozalarda uzoq vaqt davomida qo‘llashdan so‘ng paydo bo‘ladi. Preparat dozasi oshirib yuborilganida mushaklar kuchsizligi, anoreksiya, ko‘ngil aynishi, qusish, qabziyat, haddan ziyod chanqoq, poliuriya, xolsizlik, kon'yuktivit, yorug‘likdan qo‘rqish, pankreatit, rinoreya, gipertermiya, libido pasayishi, giperxolesterinemiya, aminotransferazalar faolligining oshishi, gipertenziya, yurak aritmiyasi va uremiya rivojlanadi. Bosh og‘rig‘i, mushak va bo‘g‘im og‘rig‘i, vazn yo‘qotilishi tez-tez uchraydigan simptomlar hisoblanadi. Buyrak faoliyati ham aziyat chekadi, bu siydik zichligining pasayishi va unda silindrlarning aniqlanishi bilan namoyon bo‘ladi. Davolash: preparatni qo‘llash to‘xtatilsin. Shifokorga murojaat qilinsin. Katta miqdorda suyuqlik qabul qilinsin. Zarur holatda kasalxonaga yotqizish talab etilishi mumkin.