PERMIKSON kapsulalar 160mg N30

ILOVA-VARAQA

ISTE‘MOLCHI UCHUN MA‘LUMOT

PERMIKSON 160 MG KAPSULALAR

Lipisterol ekstrakti Serenoa repens

Ushbu dori vositasini qo‘llashni boshlashdan oldin, ilova-varaqani diqqat bilan o‘qib chiqing, chunki u Siz uchun muhim ma‘lumot saqlaydi.

• Yo‘riqnomani saqlab qo‘ying. U bilan yana bir marta tanishib chiqish uchun zarurat tug‘ilishi mumkin.
• Agar Sizda savollar paydo bo‘lsa, davolovchi shifokoringizga yoki farmasevtga murojaat qiling.
• Bu preparat Sizga buyurilgan va uni boshqa pasientlarga tavsiya qilish mumkin emas. Agar ulardagi simptomlari Siznikiga o‘xshash bo‘lsa ham, bu ularga zarar yetkazishi mumkin.
• Agar Siz har qanday jiddiy nojo‘ya samarani, shu jumladan ushbu xujjatda keltirilmagan, har qanday nojo‘ya samaralari paydo bo‘lganini sezgan bo‘lsangiz shifokoringizga yoki farmasevtga xabar bering, 4-bo‘limga qarang.

Ushbu yo‘riqnomada:

1. Permikson o‘zi nima va u nima uchun qo‘llanadi
2. Permiksonni qo‘llashni boshlashgacha pasientlar uchun zarur ma‘lumot
3. Permiksonni qanday qo‘llash kerak
4. Bo‘lishi mumkin bo‘lgan nojo‘ya samaralar
5. Permiksonni qanday saqlash kerak
6. Chiqarilish shakli va boshqa qo‘shimcha ma‘lumot

1. Permikson o‘zi nima va u nima uchun qo‘llanadi

PERMIKSON prostata bezining xavfsiz giperplaziyasida qo‘llaniladigan preparatlar guruhiga mansub bo‘lib, prostata bezi darajasida ta‘sir qiladi va prostataning xavfsiz giperplaziyasi bilan bog‘liq simptomlarini namoyon bo‘lish darajasini kamaytiradi.

PERMIKSON katta yoshdagi erkaklarda siyishni xavfsiz prostata bezi giperplaziyasi bilan bog‘liq o‘rtacha og‘irlikdagi buzilishlarini davolash uchun qo‘llanadi.

2. Permiksonni qo‘llashni boshlashgacha pasientlar uchun zarur ma‘lumot

Agar sizda Serenoa repens Lipidosterol ekstraktining faol komponentiga yoki ushbu dori vositasining boshqa ingredientlariga (6-bo‘limda keltirilgan) allergiya bo‘lgan holatlarda, PERMIKSONni qo‘llamang.

Ogohlantirish va maxsus ko‘rsatmalar:

PERMIKSONni qabul qilishdan oldin davolovchi shifokoringiz yoki farmasevt bilan maslahatlashing.

Preparat och qoringa qabul qilinganda ko‘ngil aynishni chaqirishi mumkin, shuning uchun preparatni ovqatlanish vaqtida qabul qilish kerak.

PERMIKSON prostatektomiyada o‘rinbosar davolash hisoblanmaydi, shuning uchun davolash davomida Siz tibbiy kuzatuv ostida bo‘lishingiz kerak.

PERMIKSONni boshqa dori vositalari bilan o‘zaro ta‘siri

Agar Siz har qanday dori vositasini qabul qilayotgan bo‘lsangiz, yaqin orada qabul qilgan bo‘lsangiz yoki qabul qilishingiz kerak bo‘lsa, shifokorga ma‘lum qiling.

Ushbu kasallikni davolash uchun ko‘pincha qo‘llanadigan boshqa preparatlar (uro-antibiotiklar, antiseptiklar va yallig‘lanishga qarshi preparatlar) bilan hozirgi vaqtgacha hech qanday o‘zaro ta‘sirlar aniqlanmagan. Siz amal qilayotgan barcha davolash tartiblari haqida shifokorga yoki farmasevtga xabar berishingiz kerak.

PERMIKSONni ovqat va ichimliklar bilan qabul qilish

PERMIKSONni ovqat qabul qilish vaqtida, bir stakan suv bilan va chaynamasdan qabul qilish tavsiya qilinadi.

Homiladorlik, laktasiya va reproduktivlik

Ushbu preparat ayollarda qo‘llanmaydi.

Har qanday preparatni qo‘llashdan oldin shifokor yoki farmasevt bilan maslahatlashing.

Avtotransport vositalarini va xavfli mexanizmlarni boshqarish

Avtomobilni haydash va mexanizmlarni boshqarishga ta‘siri aniqlanmagan.

3. PERMIKSONni qanday qo‘llash kerak

PERMIKSONni doimo Sizga shifokor buyurganidek qabul qiling. Agar Sizda qandaydir savollar bo‘lsa, shifokordan yoki farmasevtdan so‘rang.

Tavsiya etilgan doza bir kapsula kuniga ikki marta ovqat qabul qilish vaqtida, kam miqdordagi suv bilan ichish kerak.

Bolalar va o‘smirlarda qo‘llanilishi

Ushbu preparat bolalar va o‘smirlarda qo‘llash uchun mo‘ljallanmagan.

Agar Siz PERMIKSONni keragidan ortiq qabul qilgan bo‘lsangiz:

Simptomlar – o‘tkinchi me‘da-ichak yo‘llarini buzilishlari (qorinda og‘riq) paydo bo‘ladi.

Doza oshirib yuborilganda yoki bexosdan ichga tushsa, shifokor yoki farmasevtga ma‘lum qiling.

Agar Siz PERMIKSONni qabul qilishni unutgan bo‘lsangiz:

O‘tkazib yuborilgan dozani o‘rnini to‘ldirish uchun ikki barobar dozani qabul qilmang.

Dozani o‘zgartirmay, davolashni davom ettiring.

Agar Sizda qandaydir savollar bo‘lsa, shifokordan yoki farmasevtdan so‘rang.

4. Bo‘lishi mumkin bo‘lgan nojo‘ya samaralari

Barcha tibbiy vositalar kabi PERMIKSON ham nojo‘ya samaralar chaqirishi mumkin, lekin ular hammada ham namoyon bo‘lavermaydi.

Kutilishi mumkin bo‘lgan nojo‘ya ta‘sirlar:

Tez-tez (100 nafar odamga 1≤10)

• Bosh og‘rig‘i.
• Qorinda og‘riq.

Tez-tez (1000 nafar odamga 1≤10)

• Ko‘ngil aynishi
• Gammaglyutamiltransferaza darajasini oshishi, transaminazalarni (jigar fermentlari) biroz oshishi
• Terini qizarishi (toshma)
• Ginekomastiya (erkaklarda ko‘krak bezini kattalashishi). Davolash tugagunicha qaytuvchandir.

Noma‘lum tez-tezlik bilan (ma‘lum ma‘lumotlardan tez-tezligini baholab bo‘lmaydi)

• Shish.

Nojo‘ya ta‘sirlar bo‘yicha hisobot

Agar Sizda qandaydir nojo‘ya ta‘sirlar paydo bo‘lsa, shifokor yoki farmasevtga ma‘lum qiling. Bu shuningdek ushbu ilova-varaqada keltirilmagan, kutilishi mumkin bo‘lgan barcha nojo‘ya ta‘sirlarni o‘z ichiga oladi. Shuningdek Siz davlat  tizimi hisoboti bo‘yicha nojo‘ya ta‘sirlar haqida ma‘lum qilib, Siz ushbu dori vositasining xavfsizligi haqida ko‘proq ma‘lumot berishga yordam berasiz.

5. Permiksonni qanday saqlash kerak.

30^oS dan yuqori bo‘lmagan haroratda saqlansin.

Bolalar ololmaydigan joyda saqlansin.

Ushbu dori vositasini o‘ramida ko‘rsatilgan yaroqlilik muddati o‘tganidan keyin qabul qilmang. Yaroqlilik muddati oyning oxirgi kuniga to‘g‘ri keladi.

Dori vositalarini maishiy chiqindilar yoki oqava suvlarga tashlash mumkin emas. Siz tomondan endi ishlatilmaydigan preparatni yo‘qotish yuzasidan farmasevt bilan maslahatlashing. Bu choralar atrof-muhitni ifloslanishini oldini olishga yordam berishi mumkin.

6. Chiqarilish shakli va boshqa qo‘shimcha ma‘lumot

PERMIKSONning tarkibi

– Faol modda Serenoa repens Lipisterol ekstrakti, 160 mg

Serenoa repens (Bartram) mevalarining moyli ekstrakti

Ekstrakt nisbati 7-11:1

Ekstraksiya eritmasi: geksan erituvchi

Boshqa komponentlar: makrogol 10000, jelatin, temir II oksidi Ye 172, indigotin Ye 132, titan dioksidi Ye 171.

PERMIKSON qanday ko‘rinishga ega va o‘ram ichidagisi

Har bir PERMIKSON o‘rami 30 yoki 60 qattiq kapsula saqlaydi, PVX/Alyuminiy blisterda.

Och-yashil qattiq kapsulalar va sarg‘ish-yashil pasta saqlaydi.