Tiokor

QO‘LLASH BO‘YICHA YO‘RIQNOMA

TIOKOR

TIOKORUM

Preparatning savdo nomi: Tiokor

Ta‘sir etuvchi modda (XPN): tiazot kislotasi

Dori shakli: in‘eksiya uchun eritma.

Tarkibi:

1 ml eritma quyidagilarni saqlaydi:

faol modda: tiazot kislotasining morfolin tuzi – 25 mg;

yordamchi modda: in‘eksiya uchun suv.

Ta‘rifi: tiniq, rangsiz yoki biroz sarg‘ish rangli eritma.

Farmakoterapevtik guruhi: Metabolik jarayonlarni muvofiqlashtiruvchi vosita.

ATX kodi: S01YeV

Farmakologik xususiyatlari

Tiokorning farmakologik samarasi ishemiyaga qarshi, membranani barqarorlashtiruvchi va antioksidant ta‘siri bilan bog‘liq.

Preparatning ta‘siri anaerob glikolizni kompensator faollashishini kuchaytirishi va Krebs siklida xujayra ichida ATF zahirasini saqlanishi bilan birga oksidlanish jarayonlarini faollashtirishi hisobiga amalga oshiriladi. Tiokor molekulasining tarkibida oksidlanish-qaytarilish xususiyatlari xarakterli bo‘lgan oltingugurt tiolining va ortiqcha vodorod ionlarini bog‘lovchi uchlamchi azotning mavjudligi, antioksidant tizimini faollashishini ta‘minlaydi. Tiol guruhining kimyoviy jihatdan kuchli qaytaruvchi xususiyatlari kislorodning faol shakllari va lipid radikallari bilan reaksiyani chaqiradi. Antiradikal fermentlar – superoksiddismutaza, katalaza va glutationperoksidazani qayta faollashishi kislorodning faol shakllarini hosil bo‘lishini oldini oladi.

Tiokorning ta‘siri miokardning ishemiyaga uchragan sohalarida lipidlarning oksidlanish jarayonlarini tormozlanishiga, miokardning katexolaminlarga sezuvchanligini kamayishiga, yurakning qisqaruvchanlik funksiyasini avj olib boruvchi susayishini oldini olishga, barqarorlashishiga va muvofiq ravishda nekroz sohasini va miokard ishemiyasini kamayishiga olib keladi. Qonning reologik xususiyatlarini yaxshilanishi fibrinolitik tizimini faollashishi hisobiga amalga oshiriladi. Miokardda metabolizm jarayonlarini yaxshilanishi, uning qisqaruvchanlik xususiyatini kuchayishi, yurak ritmini normallashishiga yordam berishi, yurak ishemik kasalligining turli shakllari bo‘lgan bemorlarni davolash uchun Tiokorni tavsiya etish imkonini beradi.

Preparatni kardiologiyada qo‘llash bilan parallel ravishda, uning yuqori gepatoprotektor xususiyatlarini hisobga olib, Tiokor jigar kasalliklari va ichki a‘zolarning boshqa kasalliklarini davolashda qo‘llanadi. Preparat gepatositlarni parchalanishini oldini oladi, yog‘li infiltrasiya darajasini va jigarning sentrolobulyar nekrozini tarqalish darajasini kamaytiradi, gepatositlarning reparativ regenerasiyasi jarayonlariga yordam beradi, ularda oqsil, uglevod, lipid va pigment almashinuvini normallashtiradi. Safro sintezi va uni ajralib chiqarilish tezligini oshiradi, uning kimyoviy tarkibini normallashtiradi.

Farmakokinetikasi

Qon plazmasidagi Tiokorning maksimal konsentrasiyasiga mushak ichiga yuborilganda – 0,84 soatdan keyin, vena ichiga yuborilganda – 0,1 soatdan keyin erishiladi. Qon plazmasi oqsillari bilan bog‘lanishi 10% dan oshmaydi. Tiokor asosan buyrakda – 31% to‘planadi. U ahamiyatli miqdorda yo‘g‘on ichakda, yurakda, taloqda to‘planadi, eng kam – ingichka ichak va o‘pkada (1-2%) to‘planadi.

Qo‘llanilishi

Yurak ishemik kasalligi: stenokardiya, miokard infarkti, infarktdan keyingi kardiosklerozni majmuaviy davolashda; yurak aritmiyalarini davolashda to‘ldiruvchi vosita sifatida qo‘llanadi.

Surunkali gepatit, alkogolli gepatit, jigar fibrozi va sirrozini majmuaviy davolashda qo‘llanadi.

Qo‘llash usuli va dozalari

Kattalarga miokard infarkti, yaqqol namoyon bo‘lgan surunkali gepatitda Tiokor birinchi 5 kun davomida mushak ichiga 2 ml dan 25 mg/ml eritma (50 mg dan) kuniga 2-3 marta yoki vena ichiga asta-sekin minutiga 2 ml tezlikda 25 mg/ml eritma (100 mg) 4 ml dan kuniga 1 marta yoki minutiga 20-30 tomchi tezlikda (25 mg/ml eritmali 2 ampula 0,9% li natriy xloridi eritmasi 150-250 ml da suyultiriladi) tomchilab yuboriladi. Davolashning beshinchi kunidan yigirmanchi kunigacha Tiokor tabletkalarda (100 mg dan kuniga 3 marta) buyuriladi.

Zo‘riqish stenokardiyasi va tinch holatdagi stenokardiyada va infarktdan keyingi kardioskleroz, minimal va o‘rtacha faollik darajasidagi surunkali gepatitda Tiokor mushak ichiga 10 mg/ml eritma 2 ml dan kuniga 3 marta yuboriladi. Davolash kursi – 20-30 kun.

Jigar sirrozida davolash kursi – 60 kun. Davolash 25 mg/ml eritma 2 ml (50 mg) dan kuniga 3 marta 5 kun davomida mushak ichiga yuborishdan boshlanadi, so‘ngra davolash tabletkalar (100 mg dan kuniga 3 marta) yordamida davom ettiriladi.

Nojo‘ya ta‘sirlari

Preparat odatda yaxshi o‘zlashtiriladi. Yuqori sezuvchanligi bo‘lgan bemorlarda allergik reaksiyalar: qichishish, terining giperemiyasi, isitma, teri toshmalari (urtikar, papullez, mayda nuqtali, dog‘li toshmalar) paydo bo‘lishi mumkin; boshqa preparatlarni qabul qilish fonida eshakemi va angionevrotik shishning ayrim hollari, anafilaktik shokning bir holati ta‘riflangan. Ayrim pasientlarda, asosan keksa yoshli pasientlarda, xususan boshqa preparatlarni qabul qilish fonida juda kam uchraydigan quyidagi noxush holatlari ta‘riflangan:

markaziy va periferik nerv tizimi tomonidan: umumiy holsizlik, bosh aylanishi, quloqlarni shang‘illashi;

yurak-qon tomir tizimi tomonidan: taxikardiya, arterial gipertenziya (bir holat);

me‘da-ichak yo‘llari tomonidan: dispeptik holat ko‘rinishlari – og‘izni qurishi, ko‘ngil aynishi, qorinni dam bo‘lishi, qusish;

nafas tizimi tomonidan: hansirash va bo‘g‘ilish (bir holat).

Qo‘llash mumkin bo‘lmagan holatlar

Tiokorga yuqori sezuvchanlik; o‘tkir buyrak yetishmovchiligida qo‘llash mumkin emas.

Dorilarning o‘zaro ta‘siri

Tiokorni kardioprotektiv preparat sifatida yurak ishemik kasalligini davolashda qo‘llanadigan asosiy vositalar bilan majmuada qo‘llash mumkin. Gepatoprotektor vosita sifatida muvofiq etiologiyali gepatitlarni an‘anaviy davolash usullarini buyurish bilan birga olib borish mumkin.

Maxsus ko‘rsatmalar

Homiladorlik yoki laktasiya davrida qo‘llanilishi.

Preparatni homiladorlik yoki emizish davrida qo‘llash tajribasi yetarli emas.

Bolalar.

Bolalarda preparatni qo‘llash tajribasi yetarli emas.

Avtotransportni boshqarish yoki boshqa mexanizmlar bilan ishlashda reaksiya tezligiga ta‘sir qilish qobiliyati.

Avtotransport vositalarini boshqarish va boshqa murakkab mexanizmlar bilan ishlash qobiliyatiga ta‘sir qilmaydi.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Doza oshirib yuborilganida siydikda natriy va kaliyning konsentrasiyasi oshadi. Bunday hollarda preparatni bekor qilish kerak.

Davolash simptomatik.

Chiqarilish shakli

In‘eksiya uchun 25 mg/ml eritma, 2 ml va 4 ml dan ampulalarda.

Saqlash sharoiti

Yorug‘likdan himoyalangan joyda, 25^oS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.