YUNIGEKSOL inyeksiya uchun eritma 300mg N5

QO‘LLASH UCHUN YO‘RIQNOMA

YUNIGEKSOL^®

IOHEXOL^®

Preparatning savdo nomi: Yunigeksol^®

Ta‘sir etuvchi modda (XPN):  yogeksol

Dori shakli: in‘eksiya uchun eritma.

Tarkibi:

Har bir ml eritma quyidagilarni saqlaydi:

yordamchi moddalar: trometamol – 1,21 mg, natriy kalsiy edetati – 0,10 mg, xlorid kislotasi – kerakli miqdorda, in‘eksiya uchun suv – 1 ml gacha.

Ta‘rifi: tiniq, rangsizdan och sariq ranggacha bo‘lgan eritma.

Farmakoterapevtik guruh: rentgenokontrast vosita.

ATX kodi: V08AB02

Farmakologik xususiyatlari

Yogeksol ionlanmagan triyod saqlovchi rentgenkontrast vositadir.

Farmakodinamikasi

Kompyuter tomografiyasida kontrast moddasining ko‘krak qafasida vizualizasiyasiga bir soat davomida, bo‘yin sohasida 2 soatga yaqin, bazal sisternalarda – 3-4 soatda erishiladi. Bo‘g‘im bo‘shliqlarini, bachadon bo‘shlig‘i, fallopiy naylari, peritonial bo‘shliq, pankreatik va o‘t yo‘llarini, qovuqni kontrast moddasi bilan to‘lishi preparat bevosita yuborilgandan keyin yuz beradi.

Farmakokinetikasi

Vena ichiga yuborilgan yogeksolning taxminan 100% o‘zgarmagan holda normal faoliyat ko‘rsatuvchi buyrak orqali 24 soat davomida chiqariladi. Siydikda yogeksolni maksimal konsentrasiyasi taxminan in‘eksiyadan keyin 1 soat davomida aniqlanadi. Preparatning metabolitlari aniqlanmagan. Plazma oqsillari bilan bog‘lanishi minimal (2% dan kam) darajada.

Buyrak klirensi minutiga 99 ml, umumiy klirensi – minutiga 109 ml, qon plazmasidagi minimal konsentrasiyasi – 109 mkg/ml, maksimal konsentrasiyaga erishish vaqti – 2-6 soat. Taqsimlanish hajmi – 157 ml/kg, yarim chiqarilish davri – 3-4 soatni tashkil etadi.

Qo‘llanilishi

Preparat quyidagi diagnostik rentgenologik tekshirishlarni o‘tkazishda qo‘llaniladi:

kardioangiografiya, arteriografiya, urografiya, flebografiya, kompyuter tomografiyasida kontrastni kuchaytiradi, artrografiya, endoskopik retrograd pankreatografiya, endoskopik retrograd xolangiopankreatografiya, salpingografiya, sialografiya, me‘da–ichak yo‘llarini tekshirish.

Qo‘llash usuli va dozalari

Vena ichiga yuborish:

Ekskretor urografiya: kattalarga – 40-80 ml Yunigeksol 300 mg yod/ml yoki Yunigeksol   350 mg yod/ml; tana vazni 7 kg dan katta bolalarga 1 kg tana vazniga 3 ml dan Yunigeksol 240 mg yod/ml, yoki Yunigeksol 300 mg yod/ml. Yuborish hajmi 40 ml dan ko‘p bo‘lmasiligi kerak.

Oyoq flebografiyasida: kattalarga oyoqlarga 20-100 ml Yunigeksol 240 mg yod/ml yoki Yunigeksol 300 mg yod/ml.

Raqamli subtraksion angiografiyada: kattalarga in‘eksiya uchun 20-60 ml Yunigeksol     300 mg yod/ml yoki Yunigeksol 350 mg yod/ml;

Kompyuter tomografiyada kuchaytirish maqsadida: kattalarga 100-250 ml Yunigeksol     240 mg yod/ml yoki 100-200 ml Yunigeksol 300 mg yod/ml yoki 100-150 ml Yunigeksol 350 mg yod/ml yodning umumiy miqdori odatda 30-60 g ni tashkil qiladi. Bolalarga 1 kg tana vazniga 2-3 ml Yunigeksol 240 mg yod/ml yoki 1 kg tana vazniga 1-3 ml Yunigeksol 300 mg yod/ml (yuborish xajmi 40 ml dan oshmasligi kerak).

Bo‘shliqlar ichiga yuborish:

Artografiya: kattalarga– 5-20 ml Yunigeksol 240 mg yod/ml yoki 5-15 ml Yunigeksol 300 mg yod/ml yoki 5-10 ml Yunigeksol 350 mg yod/ml;

Retrograd endoskopik pankreato-xolangiografiya: kattalarga 20-50 ml Yunigeksol 240 mg yod/ml; Gerniografiya: kattalarga – 50 ml Yunigeksol 240 mg yod/ml. Yuborish hajmi churraning hajmiga bog‘liq; Gisterosalpingografiya kattalarga – 15-50 ml Yunigeksol  240 mg yod/ml yoki 15-25 ml Yunigeksol 300 mg yod/ml; Sialografiya kattalarga – 0,5-2 ml Yunigeksol 240 mg yod/ml yoki 0,5-2 ml Yunigeksol 300 mg yod/ml.

Me‘da ichak yo‘llarini tekshirish:

Peroral kontrastlash: kattalarga yuboriladigan dozaning hajmi individual ravishda tanlanadi (Yunigeksol 350 mg yod/ml); bolalarda (qizilo‘ngach) 1 kg tana vazniga 2-4 ml Yunigeksol 300 mg yod/ml yoki 1 kg tana vazni 2-4 ml Yunigeksol 350 mg yod/ml, umumiy yuborish hajmi 50 ml dan oshmasligi kerak.

Nojo‘ya ta‘sirlari

Ionlanmagan rentgen kontrast vositasi qo‘llanganida nohush va nojo‘ya reaksiyalar asosan yaqqolligi o‘rtacha darajada bo‘lib, ion kontrast vositasiga nisbatan kam uchraydi va qaytuvchi xarakterga ega bo‘ladi. Butun tanada “issiqlikni his qilish” yoki og‘iz bo‘shlig‘ida o‘tib ketuvchi “metall” ta‘mini sezish, qorin bo‘shlig‘ida og‘riq yoki nohush hissiyotlar, ko‘ngil aynish, ko‘rinishida kuzatilishi mumkin.

Nafas olishni o‘rtacha yaqollikdagi buzilishlari (hansirash, bronxospazm) yoki teri reaksiyalari (toshmalar, eritema, eshakema, qichishish) ko‘rinishidagi o‘ta sezuvchanlik reaksiyalari, ayrim hollarda angionevratik shishish ko‘rinishida rivojlanishi mumkin.

Qo‘llash mumkin bo‘lmagan holatlar:

Preparatga va uning komponentlariga o‘ta sezuvchanlik. Yaqqol namoyon bo‘lgan tireotoksikoz. Mahalliy yoki tizimli infeksiyalari. Homiladorlik.

Maxsus ko‘rsatmalar

Anamnezida allergiya, bronxospazm yoki boshqa nohush reaksiyalar bo‘lsa, yod saqlovchi kontrast vositani qo‘llashda ehtiyotkorlikka rioya qilish kerak. Bunday holatlarda glyukokortikosteroidlarni yoki H1- gistamin blokatorlarni qo‘llash lozimligini e‘tiborga olish kerak.

Dekompensasiyalangan yurak – qon tomir kasalliklari, o‘pka gipertenziyasi bo‘lgan pasientlarni tekshirishda yurak ritmini buzilishi yoki gemodinamikani chuqur buzilishi xavfi bo‘lganligi sababli ehtiyotkorlikka rioya qilish kerak. Bronxial astmasi, pollinoz, mielom kassalligi, oziq-ovqatlariga allergiya, jigar yetishmovchiligi, degidratasiya, tarqoq skleroz, serpovid hujayra anemiyasi, o‘tkir tromboflebit, yaqqol ateroskleroz, qariyalarda, laktasiya davrida bo‘lgan pasientlarni tekshirishda preparatni qo‘llashda extiyotkorlikka rioya qilish kerak.

Preparat bolalar ololmaydigan joyda saqlansin va yarroqlik muddati o‘tgach qo‘llanilmasin.

Dozani oshirib yuborilishi

Agar pasientga qisqa vaqt oralig‘ida 2000 mg yod/kg dan katta dozada yuborilmagan bo‘lsa, dozani oshirib yuborilishi simptomlari rivojlanish ehtimoli kam. Preparatning katta dozasini yuborilayotganda muolaja davomiyligi buyrak faoliyatiga ta‘sir qilishi mumkin. Preparat dozasini ta‘sodifan oshirib yuborilish hollari bolalarda kuzatilishi mumkin, ayniqsa murakkab angiografik muolajalarda, yuqori dozalar davomli yuborilganda.

Simptomlari: sianoz, bradikardiya, asidoz, o‘pkadan qon ketishlar, yurak to‘xtashi, uyqusizlik yoki uyquchanlik, holsizlik, yuqori toliqish, stupor, tutqanoq sindromi,koma, ruhiy faoliyatni buzilishlari: gallyusinasiyalar, depersonalizasiya, qo‘rquv, exolaliya, depressiya, amneziya, psixoz, amliopiya, diplopiya, fotofobiya.

Davolash: doza oshirib yuborilgan hollarda suv-elektrolit muvozanatini buzilishlari paydo bo‘lganda dozaga tuzatish kiritish chorralarini qo‘llash kerak. Davolashni oxirgi 3 kuni davomida buyrak faoliyatini monitoring qilish kerak. Zarurat bo‘lganda ortiqcha yuborilgan preparatni bartaraf qilish uchun gemodializ qo‘llash mumkin.

Chiqarilish shakli

20 ml ampulalarda №5 qo‘llash bo‘yicha yo‘riqnoma bilan karton o‘ramda.

50 yoki 100 ml shisha flakonlarda qo‘llash bo‘yicha yo‘riqnoma bilan karton o‘ramda.

Saqlash sharoiti

30⁰S dan yuqori bo‘lmagan haroratda saqlansin. Muzlatilmasin. Yorug‘likdan va ikkilamchi rentgen nurlaridan himoyalansin.

Yaroqlilik muddati

3 yil.

Dorixonalardan berish tartibi

Resept bo‘yicha.