Mahsulotning ko'rinishi saytdagi rasmdan farq qilishi mumkin.

NEYROKOBAL tabletkalari 500mkg N90

Kategoriya:

- Kamqonlik

Ishlab chiqarilish joyi:

- Hindiston

Faol modda:

метилкобаламин

ko'proq ko'rsatish

Qadoqda soni:

- 90

Ishlab chiqaruvchi:

- Kusum Healthcare Pvt. Ltd.

Vakil:

- Kusum

ATX kodi:

- B03BA05

Barcha NEYROKOBAL dorilari

Noaniqliq haqida habar berish

Toshkentning 62 ta dorixonasida topildi

ico 82 400 s`om dan

Dorixonalardan izlash

ico 108 000 s`om dan + yetkazish

Buyurtma berish

ico 94 000 s`om dan

Bron qilish

O'xshash dorilar

IROSID kapsulalar N30 Biogen СП ООО O'zbekiston

35 000 s`om dan

[ls]ФЕРОФОРТ ПЛЮС сироп 200мл 50мг/5мл (Запрещен к продаже):uz:FEROFORT va sirop 200ml 50mg/5ml (Sotish taqiqlangan)[/ls]

FEROFORT va sirop 200ml 50mg/5ml (Sotish taqiqlangan) Marion Biotech Pvt. Ltd. Hindiston

ФЕР СУКРОЗ раствор для инъекций 5мл 20мг/мл N5

FER SUKROZ inyeksiya uchun eritma 5ml 20mg/ml N5 BKRS Pharma Pvt. Ltd. Hindiston

FERAMIN tabletkalari N30 «GRICAR CHEMICAL S.r.l.» Турция

105 200 s`om dan

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

Плёнка қобиқ билан қопланган ҳар бир таблетка қуйидагиларни сақлайди:
фаол модда: метилкобаламин 500 мкг;
ёрдамчи моддалар: микрокристалл целлюлоза (PH101, PH102), желатинланган крахмал, повидон К-30, кремний коллоидли диоксиди, тозаланган тальк, стеарин кислотаси (Micronised), этилцеллюлоза 7 cps, титан диоксиди, полиэтиленгликоль (PEG 400), Opadry жигар ранг 03F565012, изопропил спирти ва дихлорметан.

Dori shakli

10 та таблеткадан қизил ранг ПВХ/ПВДХ блистерда.
3 тадан ёки 10 тадан блистер тиббиётда қўлланилишига доир йўриқнома билан бирга картон ўрамда.
30 та таблеткадан қизил ранг ПВХ/ПВДХ блистерда.
3 тадан блистер тиббиётда қўлланилишига доир йўриқнома билан бирга картон ўрамда.

Farmakodinamikasi

Метилкобаламин – B12 эндоген коэнзим тури бўлиб, метионинсинтетаз коферменти сифатида метилкобаламин гомоцистеиндан метионин синтезида трансметилланишда муҳим роль ўйнайди.
Метилкобаламин нерв ҳужайралари органелларига яхши транспортировка қилинади ҳамда нуклеин кислоталари ва оқсиллар синтезига кўмаклашади.
Каламушларда ўтказилган тадқиқотларда метилкобаламин нерв ҳужайралари органелларига цианокобаламинга нисбатан яхшироқ ўтиши ҳамда нуклеин кислоталари ва оқсиллар синтезига кобамамидга нисбатан кўпроқ даражада кўмаклашиши тасдиқланган.
Каламушларда бош мия ҳужайралари ва орқа мия ҳужайралари билан ўтказилган тадқиқотларда ҳам метилкобаламиннинг дезоксиуридиндан тимидин синтезида, сақланган фолат кислотаси утилизация қилинишини рағбатлантиришда ва нуклеин кислотаси метаболизмида иштирок қилиши намойиш этилган.
Метилкобаламин аксонларнинг аксонал транспортировка қилинишига ва қайта тикланишига кўмаклашади.
Стрептозотоцин билан қўзғатилган қандли диабет бўлган каламушлардаги моделларда метилкобаламин қуймуч нерви ҳужайраларида аксонал скелет оқсили транспортини меъёрлаштиради.
Метилкобаламин адриамицин, акриламид ва винкристин каби препаратлари билан қўзғатилган нейропатияларда (каламушлар ва қуёнларда), сичқонларда аксонал қайта тикланиш моделларида ва спонтан қандли диабет бўлган каламушлардаги нейропатияларда нервлар қайта тикланишига нейропатик ва электрофизиологик сусайтирувчи таъсир этади.
Метилкобаламин миелинизацияга (фосфолипидлар синтезига), медулляр қаватнинг асосий липидли компоненти ҳисобланган лецитин синтезига кўмаклашади. Каламушлар тўқималари микроорганизмида нейронлар миелинизациясини кобамамидга нисбатан кўпроқ даражада оширади.
Метилкобаламин секинлашган синаптик узатилишни тиклайди ва нейротрансмиттерлар миқдорини меъёргача камайтиради.
Каламушларда ўтказилган тадқиқотларда метилкобаламин шикастланган қуймуч нервидаги сўнгги пластиналар потенциаллари индукциясини нерв толалари қўзғалувчанлигини ошириш ҳисобига эрта босқичда тиклайди. Бундан ташқари, метилкобаламин холин танқислиги билан парҳез олган каламушлар мия тўқимасидаги ацетилхолиннинг пасайган даражаларини меъёрлаштиради.

Farmakokinetikasi

Сўрилиши
B12 витаминининг компонентлари ички фактор, меъда шиллиқ қавати томонидан секрецияланадиган гликопротеин билан боғланади, сўнгра меъда-ичак йўлларидан фаол сўрилади.
Ички фактор бўлмаган пациентларда, мальабсорбция синдромида ёки ичаклар касалликлари ва патологияларида, шунингдек гастрэктомиядан сўнг абсорбция бузилади.
Меъда-ичак йўлларидан абсорбция ҳам пассив диффузия орқали юз бериши мумкин, бунда озиқ-овқатдаги витаминнинг кам миқдори сўрилади. Шунга қарамай, бу катта миқдорларда, масалан терапевтик буюрилган ҳолатларда айниқса муҳимдир.
Бир мартали дозалар
Метилкобаламин соғлом кўнгилли катта ёшдаги эркаклар томонидан очлик вақтида бир мартали дозаларда (120 мкг ва 1500 мкг) перорал қабул қилинганида, қон зардобида умумий B12 витаминининг максимал концентрациясига ҳар икки дозалар учун 3 соатдан кейин эришилган ва дозага боғлиқ бўлган. Қайд этиш керакки, 1500 мкг бир мартали доза қўлланилиш учун тавсия этилмаган.
Кўп мартали дозалар
Метилкобаламин соғлом кўнгилли катта ёшдаги эркаклар томонидан кетма-кет 12 ҳафта давомида ҳар куни 1500 мкг дозада перорал қабул қилинганида, қон зардобидаги концентрация қабул қилингандан сўнг дастлабки 4 ҳафта давомида ошган, дастлабки миқдорга нисбатан тахминан икки баравар юқорилашиб борган.
Шундан сўнг аста-секин кўпайиб бориши кузатилган, у қабул қилингандан сўнг 12 ҳафтадан кейинги дастлабки миқдордан тахминан 2,8 баравар чўққига етган.
Сўнгги (12 ҳафта) қабул қилингандан сўнг қон зардобидаги концентрация пасайган, бироқ охирги марта қабул қилинганидан сўнг 4 ҳафтадан кейин дастлабки миқдордан тахминан 1,8 баравар сақланиб қолган.
Тақсимланиши
B12 витамини транскобаламинлар деб номланадиган специфик плазма оқсиллари билан интенсив боғланади. Транскобаламин II, эҳтимол, тўқималарга кобаламинларнинг тез транспортировка қилинишида қатнашади. B12 витамини жигар тўқималарида сақланади. B12 витамини йўлдош орқали киради, шунингдек она сутига ўтади.
Чиқарилиши
B12 витамини ўт билан чиқарилади ва интенсив энтерогепатик метаболизмга учрайди. Қабул қилинган дозанинг бир қисми сийдик билан чиқарилади, бунда унинг катта қисми – дастлабки 8 соат давомида чиқарилади. Бироқ, сийдик билан экскреция организмда озиқ-овқат билан олинган умумий сақланган миқдори қисқаришида кичик улушнигина ташкил қилади.
B12 витаминининг бир мартали дозаси қабул қилингандан сўнг 24 соатдан кейин сийдик билан чиқариладиган умумий миқдоридан 40-80 фоизи дастлабки 8 соат давомида чиқарилади.
Ярим чиқарилиш даври 12,5 соатни ташкил этади (бир мартали перорал қабул қилинганида, бу 24-48 соат ўртача миқдордан ҳисоблаб чиқилган).

Nojo'ya samaralari

Дерматологик реакциялар: тошма. Бундай симптомлар пайдо бўлган ҳолатда даволашни тўхтатиш керак.
Меъда-ичак реакциялари: анорексия, кўнгил айниши/қусиш ва диарея.
Неврологик реакциялар (марказий нерв тизими): бош оғриши.
Бошқа реакциялар
Анафилактоид реакция: артериал босим пасайиши ёки нафас сиқилиши пайдо бўлиши мумкин. Пациентлар пухта кузатилиши керак. Бундай симптомлар пайдо бўлган ҳолатда даволашни дарҳол тўхтатиш ва тегишли чоралар кўриш керак.
Исиб кетиш ҳисси. Юқори терлаш.

Maxsus shartlar

Препарат, агар у самарасиз бўлса, бир ойдан кўпроқ вақт давомида қўлланилмаслиги керак.
Имкон қадар, препарат олдиндан ташхис тасдиқланмаган ҳолда B12 витамини танқислигига шубҳа бўлган пациентларга буюрилиши керак.
Терапияни кечиктирилмаган ҳолда бошлаш талаб қилинган ҳолатларда танқисликни ташхислаш учун керакли анализлар олингандан сўнг ҳар икки танқисликни комбинацияланган тарзда даволашни бошлаш ва анемиянинг сабаблари аниқлангандан сўнг пациентга тегишли даволаш тайинланиши мумкин. Мунтазам равишда қон мониторингини ўтказиш тавсия этилади.
B12 витамини танқислиги ва фолат кислотаси танқислигининг гематологик симптомлари ўхшашлигига қарамай, улар ўртасидаги фарқни ажратиш муҳим, чунки B12 витамини танқислиги билан мегалобластли анемияда биргина фолат кислотасининг қўлланилиши фақат гематологик симптомларни яхшилаши мумкин, бироқ бирга кечадиган неврологик симптомлар зўрайиши олдини олмайди, бу эса орқа миянинг ўткир даражали комбинацияланган дегенерацияси каби нерв тизими томонидан оғир асоратларга олиб келиши мумкин. Фолат кислотаси танқислиги бўлган пациентларда бир кунда 10 мкг дан юқори дозалар қўлланилиши ижобий гематологик клиник самарага эга бўлиши мумкин, бироқ номунтазам равишда қўлланиши аниқ ташхис қўйилишини қийинлаштиришга олиб келади. Аксинча, фолат кислотаси B12 витамини танқислигини ниқоблаши мумкин.
Фойдаланишда эҳтиёткорлик чоралари
Метилкобаламин фотолизга мойилдир. Ёруғлик таъсири таблеткада метилкобаламин таркибини камайтиради, намлик таъсирида эса таблеткалар рангини ўзгартириши (масалан, қизариши) мумкин. Шу туфайли препарат ўрами очилганидан сўнг дарҳол қўлланилиши керак, шунингдек таблеткалар ёруғлик/намлик таъсирига учрамаслиги юзасидан эҳтиёткорлик чораларига риоя қилиниши шарт.
Фаолияти симоб ёки унинг бирикмалари билан боғлиқ пациентларга метилкобаламиннинг катта дозаларда узоқ вақт қўлланилиши тавсия этилмайди.

Qo'llanilishi mumkin bo'lmagan holatlar

Препаратнинг таъсир этувчи моддасига ёки ҳар қандай ёрдамчи моддаларидан бирига юқори сезувчанлик.

Dori vositalarining o'zaro ta'siri

Неомицин, аминосалицил кислотаси, гистаминнинг H2-антагонистлари, омепразол ва колхицин қабул қилинганида B12 витаминининг меъда-ичак йўлларидан сўрилиши пасайиши мумкин.
Перорал контрацептивлардан фойдаланилганда қон зардобидаги концентрация пасайиши мумкин.
Ушбу ўзаро таъсирлардан аксарияти клиник аҳамиятга эга эмас, бироқ қонда препарат концентрацияси юзасидан таҳлиллар ўтказилганида ҳисобга олиниши керак.

Dozirovkasi

Катта ёшдаги пациентлар
Одатдаги катта ёшдаги пациентларга перорал қўлланиш учун доза бир кунда уч марта қабул қилишга бўлинган 3 таблеткани (1500 мкг метилкобаламинни) ташкил этади. Дозалашга пациентнинг ёшига ва симптомларига қараб тузатиш киритилиши мумкин.
Қўллаш усули: перорал қабул қилинади.

Dozani oshirib yuborilishi

Адабиётда метилкобаламин дозасининг ошириб юборилиши тўғрисида маълумотлар қайд этилмаган.

Homiladorlik va laktatsiya davrida qullanishi

Ҳомиладорлик
Ҳомиладорларда метилкобаламин қўлланилиши тўғрисида маълумотлар йўқ.
Лактация
Эмизадиган оналарда метилкобаламин қўлланилиши тўғрисида маълумотлар йўқ. Бироқ Америка педиатрия академиясининг фикрига кўра, B12 витамини она сутига ўтишига қарамай, одатда, у кўкракдан эмизиш билан биргаликда қўлланилиши мумкин.

Umumiy ma'lumot

NEYROKOBAL tabletkalari 500mkg N90 qo'lanishi bo'yicha ko'rsatmalar

QO‘LLASH BO‘YICHA YO‘RIQNOMA

NEYROKOBAL^®

NEUROCOBAL^®

Preparatning savdo nomi: Neyrokobal^®

Ta‘sir etuvchi modda (XPN): metilkobalamin

Dori shakli: plyonka qobiq bilan qoplangan tabletkalar

Tarkibi:

Har bir plyonka qobiq bilan qoplangan tabletka quyidagilarni saqlaydi:

faol modda: 500 mkg metilkobalamin;

yordamchi moddalar: mikrokristall sellyuloza (Ph 101, 102), o‘ta jelatinlangan kraxmal, polivinilpirrolidon K-30, izopropil spirti, kolloid kremniy dioksidi, tozalangan talk, stearin kislotasi, etil sellyuloza 7 CPS, titan dioksidi, polietilenglikol, dixlormetan, jigarrang opadray 03F565012.

Ta‘rifi: jigarrang, standart dumaloq, ikki tomoni qavariq, plyonka qobiq bilan qoplangan tabletkalar.

Farmakoterapevtik guruhi: sianokobalamin va uning hosilalari

ATX kodi: V03VA05

Farmakologik xususiyatlari

Farmakodinamikasi

Metilkobalamin – shuningdek V₁₂ vitamini sifatida ham ma‘lum bo‘lgan o‘rnini bosolmaydigan suvda eruvchan V vitaminidir. V₁₂ vitamini oqsil va mielin yadrosining sintezi, hujayralarni ko‘payishi, normal o‘sishi va normal eritropoez uchun muhimdir. V₁₂ vitamini V kofermentiga aylanadi, u metilmalonatni suksinatga aylanishida va metioninni gomosisteindan sintezida juda muhim hisoblanadi. V₁₂ vitamini yog‘lar, uglevodlar metabolizmi va oqsil sintezida ishtirok etuvchi fermentlar uchun zarur sulfgidril guruhlarni tiklangan shaklda tutib turilishida ishtirok etadi. V₁₂vitamini folat kislotasining sintezida ishtirok etadi, shuning uchun metilkobalamin tanqisligi uning yetishmovchiligiga xam olib keladi. V₁₂ vitamini gomosisteinni metioninga metil guruhini yo‘qolishida muhim rol o‘ynaydi. Gomosisteinning yuqori darajalari har doim endoteliy hujayralarini shikastlanishi, azot oksidini pasayishi hisobiga endoteliy-vazodilatasiyasini buzilishi, oksidlanishni oshishi va past zichlikdagi lipoproteinlarni (PZLP) arteriyalarda to‘planishi, trombositlar adgeziyasini oshishi va qon ivish kaskadini faollashuv havfini oshishiga olib keladi. Vitamin va folat kislotasini bir vaqtda qo‘llaganda, och qoringa gomosisteining darajasini pasayishiga nisbatan katta bo‘lmagan additiv samara kuzatiladi, lekin bu faqat V₁₂ vitaminining tanqisligi bo‘lgan odamlarda bo‘lishi mumkin. Gomosisteinning konsentrasiyasini oshishi boshqa sabablar, masalan kognitiv faoliyatni pasayishi, xotirani yomonlashishi, Alsgeymer kasalligi va qon tomir demensiyasi oqibatida ham yuz berishi mumkin. V₁₂ vitaminining metilkobalamin shakli, shuningdek melatoninning darajasiga ham ta‘sir qilishi mumkin. Ehtimol melatoninga ta‘siri tufayli, metilkobalamin diqqatni yaxshilashi va uyqusi normal bo‘lgan odamlarda uyqu vaqtini qisqartirishi mumkin.

Farmakokinetikasi

V₁₂ vitamini yonbosh ichakning terminal bo‘limiga faol o‘tkazilishi mexanizmi orqali so‘riladi. Buning uchun me‘dada ishlab chiqariluvchi glikoprotein – ichki omil zarurdir. Me‘daning normal pH ida V₁₂ vitamini oziq-ovqat oqsillaridan ajraladi, so‘ng u ichki omil bilan bog‘lanadi va yonbosh ichakda so‘riladi. So‘rilishi me‘da pHni oshishi sababli, masalan, atrofik gastritda, kislota muhitni susaytiruvchi dori vositalari ishlatilganda yoki qisman gastrektomiyada sekinlashishi mumkin. V₁₂ vitamini 6 soatli yarim chiqarilish davriga ega va asosan safro bilan chiqariladi.

Qo‘llanilishi

Periferik neyropatiya,
diabetik neyropatiya,
alkogolli neyropatiya,
medikamentoz neyropatiya,
demensiyada qo‘llanadi.

Qo‘llash usuli va dozalari

Peroral qo‘llanganda klinik samaraga erishish uchun doza sutkada 1500-6000 mkg ni tashkil qiladi. Maksimal dozadan ortiq dozalarda ahamiyatga ega bo‘lgan terapevtik afzalligi aniqlanmagan.

Metilkobalamin peroral, mushak ichiga va vena ichiga qo‘llanishi mumkin.

Nojo‘ya ta‘sirlari

Ba‘zi shaxslarda V₁₂ vitamini diareyani, qon quyulishini, qichishishni, jiddiy arterial reaksiyalarni va boshqa nojo‘ya samaralarni chaqirishi mumkin. V₁₂ vitamini psoriazda teriga qo‘llash uchun havfsiz hisoblanadi.

Shuningdek, quyidagi nojo‘ya samaralar ham yuzaga kelishi mumkin:

qo‘zg‘aluvchanlik
uyqusizlik
mushaklarda og‘riq
bo‘g‘imlarda og‘riq
xusnbuzar
toshma
vahima
yurak urishini tezlashishi
ko‘ngil aynishi
bosh og‘rig‘i
migren.

Qo‘llash mumkin bo‘lmagan holatlar

Ta‘sir etuvchi modda yoki har qanday yordamchi moddalarga yuqori sezuvchanlikda ko‘llash mumkin emas.

Dorilarning o‘zaro ta‘siri

Xloramfenikol

Bir necha klinik holatlarda xloramfenikol V₁₂ vitaminini qo‘shimcha qabul qilayotgan pasientlarda retikulositar javob reaksiyasini kechiktirishi yoki to‘xtatishi mumkinligi kuzatilgan. Shuning uchun agar ushbu birikmani qo‘llashdan saqlanishning iloji bo‘lmasa, qon ko‘rsatkichlarini sinchkovlik bilan nazorat qilish kerak.

So‘rilishi

Quyida keltirilgan preparatlar: aminosalisil kislotasi, antibiotiklar, kolxisin, xolestiramin, N₂-blokatorlari, metformin, neomisin, azot oksidi, peroral kontraseptivlar, fenitoin, fenobarbital, primidon, proton nasosi ingibitorlari, zidovudin – V₁₂ vitaminini so‘rilishini susaytirishi mumkin.

Maxsus ko‘rsatmalar

Yurak-qon tomir kasalliklari bo‘lgan pasientlarda ehtiyotkorlik bilan qo‘llanishi kerak. Koronar stentidan so‘ng folat kislotasini, V₆ vitaminini va V₁₂ vitaminini, keyinchalik har kunlik peroral qo‘llashga o‘tish bilan, vena ichiga ortiqcha yuk beradigan dozada yuborish restenozni (qon tomirlarini takroran torayishi) havfini oshirishi aniqlangan. Shuning uchun, potensial xavfi tufayli, bu majmuani koronar stenti bo‘lgan pasientlarga tavsiya qilish mumkin emas.

Arterial bosimi yuqori bo‘lgan pasientlarda ehtiyotkorlik bilan qo‘llanishi kerak, chunki gidrokobalamin vena ichiga yuborilganidan keyin qon bosimi oshishi haqida xabar qilingan.

Homiladorlik va laktasiya davrida qo‘llanishi

Homilador yoki emizikli ayollar uchun tavsiya qilingan dozalarda peroral qabul qilish xavfsiz hisoblanadi. Katta mikdorda qabul qilish tavsiya qilinmaydi, chunki vitaminni bunday qabul qilishning xavfsizligi hali ma‘lum emas.

Transport vositalarini haydash va mexanizmlarni boshqarish qobiliyatiga ta‘siri

Ta‘sir qilmaydi.

Dozani oshirib yuborilishi

Davolash simptomatik va erishilgan samarani bir maromda saqlab turuvchi bo‘lishi kerak.

Chiqarilish shakli

10 tabletkadan blisterda, 3 yoki 10 blisterdan qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Original o‘ramda, 25°S dan yuqori bo‘lmagan haroratda, yorug‘lik va namlikdan himoyalangan joyda saqlansin. Bolalar ololmaydigan joyda saqlansin.

Yaroqlilik muddati

2 yil. Preparat yaroqlilik muddati o‘tgach qo‘llanilmasin.

Dorixonalardan berish tartibi

Reseptsiz.